المصابيح و الأسلاك الكهربائية لو محافظتش عليها و استهلكتها بشكل صحيح ممكن تسبب حدوث انفجارات او حرائق لاقدر الله ❎ و عشان كده هنقولك علي 8 نصائح للتعامل مع الكهرباء 8️⃣👇
✅1- الحرص على عدم تعرض المصابيح للكسر عند تركيبها أو تغييرها عشان ميتطايرش الغبار الضار منها ولتفادي حدوث ده يتم مسك المصابيح من القاعدة مش من الجزء الزجاجي.
✅2- ينصح بتركيب أنظمة الإنذار من الحريق واللي بتعمل عند ارتفاع درجة الحرارة عن حد معين أو عند استشعارها بوجود دخان في الوسط المحيط بها.
✅3- احرص على استخدام غطاء بلاستيكي للمخارج الكهربائية غير المستعملة كوسيلة لحماية الأطفال من اللعب بيها.
✅4- ينصح عند مد الأسلاك المستخدمة في التوصيلات الكهربائية داخل البيت انك تختار السمك الصحيح ليها وملائمته للتيار الكهربائي المار بيها ووضعها في مواسير معزولة وإجراء الكشف والإختبار الدوري عليها لان عدم مراعاة ده ممكن يؤدى إلى تحميل الأسلاك فوق قدرتها المصممة لها و ده ممكن يؤدى إلى ارتفاع حرارتها وانصهار عازلها فهتصبح مصدر خطر عن طريق لمسها بطريق مباشر أو غير مباشر وممكن ينتج عن ده نشوب حرائق.
✅5- احرص على عدم ثنى سلك التوصيل الكهربي لأن ده ممكن يؤدي إلى قطع داخلي بالأسلاك.
✅6- عند سحب السلك من مخرج الكهرباء يراعى أن تكون عملية السحب من المأخذ و مش من السلك نفسه.
✅7- اجعل جميع التوصيلات الكهربائية بعيده عن أماكن السير خاصة الأماكن اللي بتكون في متناول الأطفال وتجنب تمرير أسلاك الكهرباء فوق أو بالقرب من مصادر الحرارة كالدفايات أو الأفران، أو الأماكن اللي بتوضع بها قطع الأثاث الثقيلة عشان ده ميتسببش في قطع داخلي بالأسلاك.
✅8- يراعى دايماً استبدال الأسلاك المتآكلة بأسلاك جديدة وعدم محاولة عزلها بشريط لاصق لان ده ممكن يتسبب في حدوث ماس كهربائي.
